Gloria DeHaven

Gloria Mildred DeHaven (23 iyul 1925–30 iyul 2016) amerikalı aktrisa və müğənni, həmçinin Metro-Goldwyn-Mayer-in keçmiş müqaviləli ulduzu idi. DeHaven Kaliforniya ştatının Los-Anceles şəhərində aktyor-rejissor Carter DeHaven və aktrisa Flora Parker DeHavenin qızı olaraq dünyaya gəlib. Onların hər ikisi keçmiş vodevil sənətçisi idi. O, karyerasına Charlie Chaplinin Modern Times (1936) filmində kiçik rolla uşaq aktyor kimi başlayıb. Daha sonra MGM ilə müqavilə imzalayıb. Best Foot Forward, The Thin Man Goes Home (1944) və Summer Stock (1950) kimi filmlərdə diqqətçəkən rollar oynamasına, eləcə də 1944-cü ildə kino nümayiş etdirənlər tərəfindən “sabahın ulduzu” olmağa ən çox namizəd görülən üçüncü aktrisa seçilməsinə baxmayaraq, kino ulduzu ola bilməyib. O, Fred Astairein rol aldığı Three Little Words (1950) filmində öz anası Flora Parker DeHaveni canlandırıb. DeHaven, həmçinin As the World Turns, Mary Hartman, Mary Hartman və Ryan's Hope televiziya seriallarında və gündüz seriallarında müntəzəm rollarda çıxış edib. O, kassada uğursuzluğa uğrayan, çoxsaylı məşhurların iştirak etdiyi Won Ton Ton, the Dog Who Saved Hollywood (1976) filmində də rol alıb. Bundan əlavə, Robert Montgomery Presents, Appointment with Adventure (“The Snow People” adlı bölüm), The Guy Mitchell Show, Johnny Ringo (“Love Affair” bölümündə Rosemary Blake rolunda), The Rifleman, Wagon Train, The Lloyd Bridges Show, Marcus Welby, M.D., Gunsmoke, Mannix, Fantasy Island, Hart to Hart, The Love Boat, Mama's Family, Highway to Heaven, Murder, She Wrote və Touched by an Angel kimi televiziya seriallarında qonaq aktrisa kimi çıxış edib. O, həmçinin Patti Deutsch və Buck Owens ilə birlikdə Match Game 75 verilişinin beş bölümündə qonaq panelist olub. Gloria DeHaven 30 iyul 2016-cı ildə 91 yaşında ABŞ-ın Nevada ştatının Las-Veqas şəhərində vəfat edib. Wikipedia-dan.