Ser'Darius Blain

2009-cu ildə The New York Conservatory for Dramatic Arts-ı bitirdikdən sonra Ser’Darius işləməyə ara verməyib. O, Meet the Browns, NCIS, The Vampire Diaries, Super Fun Night seriallarında qonaq aktyor kimi çıxış edib və ABC Family-nin “Jane By Design” serialının daimi heyətində yer alıb. Craig Brewerin (Hustle and Flow/Black Snake Moan) rejissorluğu ilə Paramount Pictures-in 2011-ci ildə çəkdiyi “Footloose” filminin remeykində baş rolu aldıqdan sonra, Ser’Darius JJ Abramsın böyük maraqla gözlənilən “Star Trek Into Darkness” filmində də ikinci dərəcəli rola çəkilib. 2013-cü il Ser’Darius üçün ən uğurlu il olub, belə ki, o, 3 tammetrajlı filmdə baş rol alıb! Kristen Stewartın baş rolda olduğu və çox danışılan “Camp X-Ray” filmi 17 yanvar 2014-cü ildə The Sundance Film Festival-da biletləri tam satılmış zalda nümayiş olunub. Sony Pictures-in “When the Game Stands Tall” və Chain Reaction-ın “Maybe Someday” filmləri isə ilin sonuna doğru ekranlara çıxacaq. İstedadlı və yüksələn ulduz Ser’Darius Blain peşəkarlığını təkmilləşdirməyə, yaradıcılıq və nailiyyətlərə olan ehtirasının ardınca getməyə davam edir.