Labina Mitevska

Labina Mitevska (makedonca: Лабина Митевска) (1975-ci ildə Yuqoslaviya Sosialist Respublikası Makedoniyanın Skopye şəhərində anadan olub) makedoniyalı aktrisadır. Mitevska aktyorluq karyerasına Skopye, Danimarka və Arizona Universitetində təhsil aldıqdan sonra 19 yaşında başlayıb. O, Milço Mançevskinin 1994-cü ildə "Oskar"a namizəd olan "Before the Rain" filmində rol alıb. Daha sonra Maykl Uinterbottumun rejissoru olduğu "Welcome To Sarajevo" filmində ikinci dərəcəli rolu ifa edib və çex filmi olan "Samotáři"də (Loners) baş rolda çəkilib. O, həmçinin 2006-cı ildə çəkilmiş "Warchild" filmində də baş rolu ifa edib.