Tom Holland

Tomas "Tom" Stenli Holland ingilis aktyor və rəqqasdır. O, Londondakı Viktoriya Sarayı Teatrında "Billi Elliot" müziklində baş rolu oynaması, eləcə də 2012-ci il istehsalı olan "Mümkün olmayan" filmindəki rolu ilə tanınır. 2015-ci ildə Holland Marvel Kinematoqrafiya Kainatında Piter Parker / Hörümçək-adam rolunu aldı və beş filmdə bu obrazı canlandırdı: "Kapitan Amerika: Vətəndaş müharibəsi" (2016), "Hörümçək-adam: Evə qayıdış" (2017), "Qisasçılar: Sonsuzluq savaşı" (2018), "Qisasçılar: Final" (2019) və "Hörümçək-adam: Evdən uzaqda" (2019). Londondakı BRIT Məktəbinin məzunu olan Holland daha əvvəl 2008-ci ildə Londonun Vest-End səhnəsində "Billi Elliot" müziklində baş rolda çıxış edib. Onun digər filmləri arasında "Dənizin ortasında" (2015) və "Cərəyanlar müharibəsi" (2017) yer alır. 2017-ci ildə Holland BAFTA-nın "Yüksələn ulduz" mükafatına layiq görülüb.