Kris Kristofferson

Kristoffer Kristofferson (22 iyun 1936 – 28 sentyabr 2024) amerikalı kantri müğənnisi, bəstəkar və aktyor idi. Onun müəllifi olduğu "Me and Bobby McGee", "For the Good Times", "Sunday Mornin' Comin' Down" və "Help Me Make It Through the Night" kimi mahnıların hər biri digər sənətçilərin ifasında hitə çevrilmişdi. 1985-ci ildə Kristofferson kantri musiqisinin digər tanınmış simaları Waylon Jennings, Willie Nelson və Johnny Cash ilə birlikdə The Highwaymen superqrupuna qoşuldu. Bu qrup ənənəvi Nashville kantri musiqi sistemindən imtina edərək müstəqil mahnı yazarlığı və prodüserliyə üstünlük verən "outlaw country" musiqi hərəkatının əsas yaradıcı qüvvələrindən biri idi. Aktyor kimi Kristofferson "Pat Garrett & Billy the Kid" (1973), "Blume in Love" (1973), "Alice Doesn't Live Here Anymore" (1974), ona "Ən yaxşı aktyor" nominasiyasında Qızıl Qlobus mükafatı qazandıran "A Star Is Born" (1976), "Convoy" (1978), "Heaven's Gate" (1980), "Stagecoach" (1986), "Lone Star" (1996) və "Blade" film trilogiyasındakı (1998–2004) rolları ilə tanınırdı. 2004-cü ildə Kristofferson Kantri Musiqisi Şöhrət Zalına daxil edilib.