Peter Jackson

Ser Piter Robert Cekson (31 oktyabr 1961-ci il təvəllüdlü) C. R. R. Tolkinin romanı əsasında çəkdiyi "Üzüklərin hökmdarı" film trilogiyası ilə tanınan yeni zelandiyalı kinorejissor, prodüser, aktyor və ssenaristdir. O, həmçinin 2005-ci ildə çəkdiyi "Kinq Konq" filmi və "Rayon 9" filminin prodüseri kimi tanınır. Karyerasının əvvəlində "splatstick" janrındakı qorxu-komediya filmləri ilə beynəlxalq diqqəti cəlb edən Cekson, daha sonra həyat yoldaşı Fren Uolş ilə birlikdə "Ən yaxşı ssenari" nominasiyasında Oskar mükafatına namizəd olduğu "Cənnət məxluqları" filmi ilə geniş şöhrət qazanıb. Cekson karyerası ərzində, o cümlədən 2003-cü ildə "Ən yaxşı rejissor" mükafatı da daxil olmaqla, üç Oskar mükafatına layiq görülüb.