Rio Dewanto

Rio Dewanto (28 avqust 1987-ci ildə İndoneziyada anadan olub) indoneziyalı aktyor və müğənnidir. Onun adı Pulang Malu Ngga Pulang Rindu, Rocker Pulang Kampung və Cinta Datang saat kamu tidur adlı televiziya filmlərindəki rolları ilə geniş tanınır. O, artıq 30-dan çox FTV filmində rol alıb. Kinematoqrafiyadakı karyerasının ilk dövrlərində Ratu Cosmopolitan və The Forbidden Door filmlərində epizodik rollarda çıxış edib. 2011-ci ildə Rio Hanung Bramantyonun çəkdiyi Question Mark filmində baş rola dəvət olunub. Daha sonra Nia Dinatanın Arisan! 2 filmində homoseksual obrazını canlandırıb və Rudi Soedjarwo ona Garuda in My Chest 2 filmində məşqçi Pak Wisnu obrazını etibar edib. 2011-ci ildə o, Joko Anvarın rejissoru olduğu Modus Anomali filmində baş qəhrəmanı canlandırıb və Cənubi Koreyada Atiqah Hasiholanla birlikdə Hello Goodbye filmində rol almaq imkanı qazanıb. 2011-ci ilin sonunda Rio, Mickey Rourke, Kellan Lutz, Ario Bayu, Tio Pakusadewo, Atiqah Hasiholan və digər aktyorların iştirak etdiyi, İndoneziya və Hollivud kino sənayesinin birgə istehsalı olan filmdə də rol alıb.