Mako

Mako Yaponiyanın Kobe şəhərində, tanınmış uşaq yazıçısı və illüstrator Taro Yaşimanın ailəsində dünyaya gəlib. Valideynləri o, hələ uşaqkən ABŞ-a köçüblər. İkinci Dünya müharibəsindən sonra, 1949-cu ildə Mako da onların yanına gedib və 1950-ci illərdə hərbi xidmətə başlayıb. 1956-cı ildə o, ABŞ vətəndaşlığını qəbul edib. Mako ABŞ-a valideynlərinin yanına ilk gəldiyi vaxtlar memarlıq üzrə təhsil alırdı. Hərbi xidmət dövründə aktyorluq istedadını kəşf edib və Pasadena Community Playhouse-da təlim keçib. Mako aktrisa Şizuko Hoşi ilə evli olub; onların iki qızı (hər ikisi aktrisadır) və üç nəvəsi var.