Amerikalı yeniyetmə qız Poppy üsyankar davranışları ilə atasını canından bezdirir. Aldığı xəbərdarlıqlara baxmayaraq hələ də dəyişmədiyi üçün atası qızının intizama ehtiyacı olduğuna qərar verir. İngiltərədəki qızlar məktəbinə göndərilən Poppini burada, sərt qaydaları ilə məşhur olan bu məktəbdə, bir sıra gülməli hadisələr gözləyir. Filmin baş rolunda ShoWest tərəfindən Sabahın Qadın Ulduzu seçilmiş Emma Roberts çəkilib. Rejissor kürsüsündə isə “Notting Hill”, “About a Boy”, “Love Actually” və “Nanny McPhee” kimi həm kommersiya uğuru qazanan, həm də yüksək qiymətləndirilən filmlərin təcrübəli montajçısı Nick Moore yer alır.