Prenses Kaguya Masalı

Bambuk sataraq dolanışığını təmin edən yaşlı bir kişi günlərin birində bambukun içində barmaq boyda bir qız tapır. Bu qız bambuk kimi sürətlə böyüyür və meşə yaşlı kişiyə onun üçün qızıl və hədiyyələr bəxş edir. Yaşlı kişi balaca qızın şahzadə olduğuna qərar verir və onun üçün malikanə tikdirərək şahzadəlik qaydalarını öyrətməyə çalışır. Balaca qıza Kaguya adı verilir. Kaguya böyüdükdə nüfuzlu ailələrdən olan beş gənc ona evlilik təklifi edir. Kaguya onlardan özü üçün yadda qalan bir toy hədiyyəsi tapmalarını istəyir, lakin bu beş kişi də onun arzusunu gerçəkləşdirə bilmir. Ardınca Yaponiya imperatoru Kaguya’ya evlilik təklifi edir. Halbuki Kaguya’nın istədiyi şahzadə olmaq deyil, kənddəki yeganə sevgisi Sutemaru ilə qovuşmaqdır.