Sabır Taşı

Əfqanıstanda, yaxud müharibə ilə yerlə-yeksan olmuş istənilən ölkənin hər hansı bir yerindəyik... Otuz yaşlarında gözəl bir qadın dağıdılmış bir otaqda iflic olmuş ərinə qulluq edir. Günlərin bir günü susqun ərinə birtərəfli etiraflar etməyə başlayır; uşaqlığından, çətinliklərindən, məyusluqlarından, tənhalığından, arzularından və istəklərindən danışır. Əri onu səssizcə dinlədikcə, bilmədən qadının “səbir daşı”na çevrilir — onu bədbəxtlikdən, ağrıdan və əzabdan qoruyan birinə. Lakin qadın əsl mənliyini sonradan tanış olacağı gənc bir əsgərin simasında tapacaq. * Yazıçı və rejissor Atiq Rahimi mükafatlı Yeryüzü ve Küller filmindən səkkiz il sonra yenidən kinoya qayıdır. Əfqanıstanın Oskar namizədi olan film rejissorun çox satılan romanı əsasında çəkilib. Rahimi kitabı 2005-ci ildə, 25 yaşında əri tərəfindən öldürülən əfqan qadın şair Nadya Encumanın xatirəsinə yazıb: “Əfqan qadınları haqqında həmişə eyni fikirləri eşitməkdən bezmişdim — əzilən, qurban olan qadınlar. Halbuki Əfqanıstana gedəndə son dərəcə mətin qadınlarla tanış oldum.”