1429-cu ildə Fransanın kiçik bir kəndindən çıxan gənc qız, işğal altındakı ölkəsinin gələcək kralının qarşısına çıxaraq ona Tanrıdan bir mesaj gətirdiyini bildirir. Bu mesaja görə, o, dövrün ən güclü ordusunun ölkələrindəki işğalına son qoyacaq, siyasi və dini xaosu bitirəcəkdir. Kiçik qızın dedikləri Fransa kralı və ətrafındakıların marağına səbəb olur; onun inanılmaz cəsarəti və peyğəmbəranə sözləri qarşısında ona inanmağa başlayırlar. Onun rəhbərliyi altında fransızlar ölkələrini işğal edən ingilis ordusunu məğlub edərək azadlıqlarına qovuşurlar. Qızın dediyi kimi, kral tacını geyinərək taxtına oturur. Lakin bütün bu uğurların şeytani qüvvələrin işi olduğunu iddia edən din xadimlərinin təzyiqi ilə gənc qız ölümə məhkum edilir və tonqalda yandırılaraq edam olunur.