The Company You Keep: Robert Redford yenidən rejissor kürsüsündə... Həm aktyorluq, həm də rejissorluqla məşğul olan Robert Redford 1980-ci ildə başladığı rejissorluq karyerasının 9-cu filminə imza atdı. “The Company You Keep” adlandırdığı filmində “Lions for Lambs”dən sonra yenidən baş rolu öz üzərinə götürdü. Film boyu Redforda Shia LaBeouf, Julie Christie, Anna Kendrick, Sam Elliott, Brendan Gleeson, Richard Jenkins, Stanley Tucci, Nick Nolte, Chris Cooper və Susan Sarandon kimi təsirli aktyor heyəti yoldaşlıq edir. Film Neil Gordonun eyniadlı romanı əsasında ekranlaşdırılıb. Süjet xətti 30 il ərzində kimliyini gizlətməyi bacaran keçmiş terrorçunun (Redford) bir jurnalist (LaBeouf) tərəfindən əsl kimliyinin üzə çıxarılmasından sonra yaşadığı çətinliklərdən bəhs edir...