Həyatın çıxılmazlıqlarında itən və yolunu tapmaq üçün hərbçi olmağa qərar verən Megan Leavey-nin çətin təlim prosesi zamanı həyata bağlanmasına Rex adlı it kömək edir. Əvvəlki təlimçisini dişləyərək qolunu sındırdığı üçün Megan-a həvalə edilən Rex bomba aşkarlama dəstəsində xidmət edən aqressiv döyüş itidir. Megan və Rex arasında bağ möhkəmləndikcə, qarşılıqlı etimad artdıqca, onlar İraqdakı müharibə şəraitinin bütün təhlükələrinə baxmayaraq uğurlu komandaya çevrilirlər. Lakin Rex təkcə əsgərlərin həyatını xilas etmir… Qısa müddətdə Megan-ın ən yaxın dostuna çevrilir və qəlbi soyumuş bu qadına yenidən sevməyi öyrədir. Rex haqsız yerə onun əlindən alındıqda isə Megan onu öz himayəsinə götürmək üçün həyatının ən böyük və ən qızğın mübarizəsinə atılmalı olur.