Lara Croft, aristokrat bir İngilis ailəsindən gələn, elit məktəblərdə təhsil almasına baxmayaraq, rahat həyat əvəzinə macəranı seçən bir qızdır. O, dünyanın ən təhlükəli və sirli yerlərini ziyarət edərək itmiş xəzinələri və sivilizasiyaları kəşf edir. Çoxsaylı dillərdə ana dili kimi danışa bilən bu gənc və gözəl qadın, döyüş sənətlərinin ustasıdır və macəra eşqi ilə alışıb-yanır. Lakin indi o, həyatının ən böyük mübarizəsi ilə üz-üzədir: zaman və məkanda itmiş çox qədim bir artefaktın hər iki parçasını tapmalıdır. Sahibinə dünya üzərində ən böyük gücü bəxş edən bu mükafata çatmaq üçün Lara, ilk növbədə çox güclü və təhlükəli bir təriqətlə mübarizə aparmalıdır.