Güclü vəkil olan Claire və uğurlu podratçı əri Tom Marin County-dəki gözəl evlərində xoşbəxt həyat sürürlər. Lakin bir gün evlərində baş verən oğurluq və qətl bu xoşbəxt mənzərəni dağıdan hadisələr zəncirinin başlanğıcı olur. Hadisəni araşdıran FBI Tomu həbs edir. Onların fikrincə, Tom Ronald Chapman adı ilə fəaliyyət göstərən hərbi kəşfiyyatın gizli agentidir və El Salvador-da günahsız insanların qətlə yetirilməsinə görə məsuliyyət daşıyan qaçaqdır. Claire əvvəlcə ittihamların əsassız olduğuna inanır, lakin əri gizli kimliyinin olduğunu təsdiqləyir. Bununla belə, qırğınla bağlı ittihamların əsassız olduğuna arvadını inandırır. Claire adət etmədiyi qaydaların hökm sürdüyü tam məxfi hərbi məhkəmədə ərini müdafiə etməli olur və Charlie Grimes adlı təcrübəli, istefada olan hərbi prokurorun köməyinə müraciət edir. İkilinin apardığı araşdırma, həyatları bahasına başa gəlsə də, ordu tarixinin ən böyük qalmaqallarından birini üzə çıxarır.