Qara dərili insanların daim pis rəftar gördüyü və iki irq arasında dövlət tərəfindən dərin uçurumun yaradıldığı Cənubi Afrikada yaşayan Ceyms Qreqori (Cozef Fayns) həbsxanada nəzarətçi işləyən sıravi bir əsgərdir. Ceyms və həyat yoldaşı Qloriyanın (Dayan Kruqer) həyatı gözlənilməz bir təyinat xəbəri ilə dəyişir. Ceyms başqa bir həbsxanaya köçürülür və Nelson Mandelanın (Dennis Heysbert) mühafizəçisi təyin olunur. Qara dərililəri ölkə üçün ən böyük təhlükə hesab edən Ceymsin baxışları Mandela ilə vaxt keçirdikcə dəyişməyə başlayır. Ceymsin Mandela və ailəsinə yaxınlıq göstərdiyini görən rəhbərliyi bu vəziyyətdən narahat olur. Mandelanın 30 ilə yayılan azadlıq mübarizəsi Ceyms və ailəsi üçün də çətin bir sınağa çevrilir. “GOODBYE BAFANA – AZADLIĞIN RƏNGİ” bir insanın və bir ölkənin dəyişim hekayəsindən bəhs edən təsirli bir filmdir.