Jack Nance-in canlandırdığı Henry Spencer-i məkanı naməlum “sənaye çölü”nün kabusvari atmosferində cərəyan edən hadisələrin mərkəzində izləyirik. Keçmiş münasibətindən Mary-nin hamilə qaldığını öyrənən Spencer onu kiçik evinə gətirir. Mary burada mutant, sürünənə bənzər bir məxluq dünyaya gətirdikdən sonra evdən qaçır və Spencer evdə “körpə”, radiatorun arxasında xəyal kimi görünən qadın və onu yoldan çıxarmağa çalışan qonşusu ilə tək qalır.