Bütün zamanların ən provokativ filmlərindən biri hesab olunan amansız "Dönüş Yox!" (Irréversible) filmindən sonra çəkdiyi bu ilk tammetrajlı film, Gaspar Noé-nin təbirincə desək, "psixodelik melodram"dır. İlk nümayişi 2009-cu ildə Kann kinofestivalında baş tutan "Boşluq" (Enter the Void), transa bənzər vizual üslubu və birinci şəxsin gözündən verilən subyektiv hekayəsi ilə xeyli mübahisələrə səbəb olmuşdu. Filmi Tokioda xırda işlərlə məşğul olan narkotik satıcısı Oskarın gözü ilə izləyirik. Bir gecə polis basqını zamanı Oskar yaxalanır və vurulur. Ölüm ayağında olarkən ruhu dünyanı tərk etməyə müqavimət göstərir və bacısı Lindanı qorumaq üçün onun ardınca düşür.