Eramızın 40 000-ci əsrindəyik. Sıfır cazibə qüvvəsində yellənərək bədənini nümayiş etdirməyi və azad sevgini sevən saf gözəl Barbarella, Dünya planetinin kosmosdakı nümayəndəsi kimi çətin bir missiya alır: yeni ixtirası ilə kainatda sülhü təhdid edən Duran Duran adlı çılğın dahini tapmaq. Barbarella axtarışını Tau Ceti sisteminə qədər davam etdirərkən bir-birindən maraqlı və “yaramaz” yadplanetli irqlərlə, eləcə də müxtəlif təhlükələrlə qarşılaşır. Hətta yaraşıqlı və kor bir mələyin qanadları arasında sevişmək imkanı da qazanır.