Eve Hewson

Memphis Eve Sunnyday Iris Hewson (7 iyul 1991-ci il təvəllüdlü) irlandiyalı aktrisadır. Fəal Ali Hewson və müğənni Bono-nun qızı olan aktrisa ilk böyük rolunu 2011-ci ildə çəkilmiş "This Must Be the Place" dram filmində almış, daha sonra 2014-cü ildə "The Knick" serialında rol almışdır. O, "Blood Ties" (2013), "Bridge of Spies" (2015) və "Robin Hood" (2018) kimi filmlərdə çəkilmişdir. Hewson "The Luminaries" (2020) və "Behind Her Eyes" (2021) fantastik mini-seriallarında, "Bad Sisters" (2022) komediya serialında və "The Perfect Couple" (2024) detektiv serialında baş rolları ifa etmişdir. O, həmçinin "Flora and Son" (2023) musiqili filmində baş qəhrəmanı canlandırmışdır.