Emilia Fox

Emiliya Rouz Elizabet Foks karyerası əsasən Britaniya televiziyası ilə bağlı olan ingilis aktrisa və aparıcıdır. O, kinodakı debütünü Roman Polanskinin "Pianoçu" (2002) filmində edib. Onun rol aldığı digər ekran əsərlərinə italyan-fransız-britaniya istehsalı olan "Ruhun qoruyucusu" (2002) romantik dramı (bu filmdəki roluna görə o, "Flaiano" film mükafatının "Ən yaxşı aktrisa" nominasiyasının qalibi olub), "Sevgi respublikası" (2003) dramı, "30 yaşına qədər ediləcək işlər" (2005) komediya-dramı, "Anamı saxlamaq" (2005) qara komediyası, "Keşbek" (2006) romantik komediya-dramı, "Axmağın xatirələri" (2008) dramı, "Əbədi yaşamağın yolları" (2010) dramı, "Min öpüşün dərinliyi" (2011) dram-trilleri və "Dorian Qrey" (2009) fentezi-qorxu dramı daxildir.