Şevval Sam

Türkdeniz Şevval Sam 11 noyabr 1973-cü ildə İstanbulda anadan olub. Anası Leman Sam müğənni, atası Selim Sam isə musiqiçidir. Şevval Samdan iki yaş böyük Şehnaz adlı bacısı var. İbtidai və orta təhsilini Hasan Ali Yücel İbtidai Məktəbində alan Sam, liseyi İstanbul Zincirlikuyu İnşaat Texniki və Tikinti Peşə Liseyinin bərpa bölməsində oxuyub. Ali təhsilini Marmara Universitetinin Gözəl Sənətlər Fakültəsinin qrafika bölməsində tamamlayıb. 1993–1999-cu illər arasında Beşiktaşın “Sarı Fırtına” ləqəbli əfsanəvi keçmiş futbolçusu Metin Tekinlə evli olub və bu nikahdan Tarık Emir adlı oğlu dünyaya gəlib. Sam, eyni zamanda, müxtəlif filmlər və seriallarda rol alıb.