Rıza Kocaoğlu

Rıza Kocaoğlu (d. 19 Mart 1979, İzmir), türk kino və serial aktyorudur. Dokuz Eylül Universiteti Oyunçuluq fakültəsinin məzunudur. 1979-cu ildə İzmirdə doğulan Rıza Kocaoğlu, 9 Eylül Universitetində oyunçuluq təhsili alıb. Çağan Irmakın ilk dəfə rejissor kürsüsünə oturduğu "Bana Şans Dile" filmi ilə kinoya addım ataraq baş rolu üstlənən aktyor, uğurlu performansı sayəsində Şile Büyülü Fener Film Festivalında Ən Yaxşı Kişi Aktyor mükafatına layiq görülüb. O, "Av Mevsimi", DOT tamaşaları "Malafa" və "Punk Rock", 90-cı illərin əfsanəvi radio proqramı əsasında çəkilən və hazırda nümayiş olunan "Kaybedenler Kulübü" və sürətlə fenomenə çevrilən "Ezel" televiziya serialında rol alıb.