İl 1878. Linkoln qəsəbəsi. Fermer və təhsilli bir ingilis centlmeni olan Con Tanstoll, fermasında kimsəsiz gəncləri toplayaraq onları cəmiyyətə qazandırmağa çalışır. O, bu gənclərdən bir-birinə "centlmen" deyə müraciət etmələrini və şeir oxumalarını istəyir. Tanstoll, torpaq sahibi Lourens Q. Merfi və adamlarının qurduğu Santa Fe dəstəsi tərəfindən tələyə salınıb öldürüldükdən sonra, gənclər əfsanəvi Billi dı Kid-in rəhbərliyi altında amansız Santa Fe dəstəsinə və hökumət məmurlarına qarşı müharibə elan edirlər. İntiqamları qanlı bir hücuma çevrildikdə, onlar qanunsuz elan edilir və axtarışa verilirlər. Beləliklə, Vəhşi Qərb tarixinin ən böyük təqib macərası başlayır.