1920-ci illərdən bir sevgi hekayəsi... Doktor Uolter Feyn (Edvard Norton) aristokrat ailənin şıltaq qızı Kittiyə (Naomi Uotts) bir məclisdə vurulur və dərhal ona evlilik təklifi edir. Kittinin Uolterə qarşı xüsusi bir marağı olmasa da, ailəsinin dilinə düşməmək üçün təklifi qəbul edir. Lakin Uolter nə qədər ehtiraslı olsa da, hisslərini Kittiyə büruzə verə bilmir və Kitti evliliyində xoşbəxt olmur. Onun bu bədbəxtliyi diqqətinin cəsur və hazırcavab diplomat Çarli Taunsendə (Liv Şrayber) yönəlməsinə səbəb olur. Arvadının xəyanətini öyrənən Uolter ondan intiqam almağa qərarlıdır, lakin bunu bildiyimiz yollarla etməyəcək. Uolter Çinin ölümcül vəba epidemiyasından əziyyət çəkən kiçik bir kəndində könüllü həkim kimi işləməyə qərar verir. Kittinin isə onunla getməkdən başqa yolu qalmır. Ölüm və həyat arasındakı sərhədin çox incə olduğu bu kəndə etdikləri səyahət, onların münasibətləri üçün də bir dönüş nöqtəsi olacaq.