Birləşmiş Millətlər Təşkilatının Çinlə keçiriləcək vacib bir zirvə görüşünə hazırlaşdığı günlərdə, bu iki gücü qarşı-qarşıya qoymaq istəyən qüvvələrin sui-qəsd hazırladığı məlum olur. Bunun üçün BMT-nin Baş katibi (Donald Sutherland) gizli agent Neil Shaw-ı (Wesley Snipes) araşdırma aparmaq üçün vəzifələndirir. Shaw və rəhbəri bu sui-qəsdin arxasında BMT-nin Çin səfiri Wong-un dayana biləcəyindən şübhələnirlər. Lakin Wong sui-qəsd nəticəsində öldürülür və hadisənin günahkarı kimi Shaw həbs olunur. Həbsxanaya aparılarkən terrorçular tərəfindən qaçırılır. Sui-qəsdin yeganə şahidi tərcüməçi Julia Yates-dir (Marie Matiko), lakin o da qaçırıldıqdan sonra Shaw-ın vəziyyəti daha da çətinləşir.