Paris, Seni Seviyorum

Parisdə sevgi hər yerdədir. Barlarda, kafedə, Eyfel qülləsinin altında, metrolarda sevgi daim yaşayır. "Paris, seni seviyorum" layihəsi üçün bir çox beynəlxalq rejissordan Parisdə cərəyan edən romantik hekayələr danışmaları istənilib. Layihədə iştirak edən bütün rejissorlar, Parisin zəngin kino tarixinə baxmayaraq, keçmişə boylanmaq əvəzinə, şəhəri bugünkü görkəmi ilə və indiyədək ekranda görünməmiş tərəfləri ilə təqdim etməyə üstünlük veriblər. Məhz buna görə də "Paris, seni seviyorum" müxtəlif sosial təbəqələrin, nəsillərin, mədəniyyətlərin və ab-havaların bir qarışığıdır. Hər bir rejissorun şəhərin müxtəlif guşələrində cərəyan edən fərqli həyat kəsikləri təqdim etdiyi bu film; sevinc, ayrılıq, gözlənilməz təsadüflər və hər şeydən öncəsi eşq haqqında hekayələrdən ibarət bir xəyal dünyası kimidir. Natalie Portman, Fanny Ardant, Elijah Wood, Nick Nolte, Juliette Binoche və Steve Buscemi kimi məşhur beynəlxalq aktyorların iştirakı ilə "Paris, seni seviyorum"da Parisə yenidən kəşf edəcək, dünyanın bu ən romantik şəhərinə bir daha vurulacaqsınız.