Violet zorla cinsi əlaqəyə məruz qalır və əkiz uşaqları dünyaya gəlir. O, illərlə bu uşaqları hamıdan gizlədir. Xəstələnib bədəninin bir tərəfi iflic olsa belə, uşaqlarını heç kimə göstərmir. Əkizlərdən biri on yaşında vəfat etdikdən sonra, Nell-i (Jodie Foster) meşədə gizlədir. Violet də öldükdən sonra Nell tapılır. Həkimlər onu ruhi xəstəxanaya yerləşdirmək istəyirlər, çünki Nell dünyadan xəbərsizdir və özünəməxsus bir dildə danışır. Onun danışdığı dili heç kim başa düşmür. İki həkim məhkəmədən üç ay vaxt istəyir. Əgər üç ay ərzində Nell-i cəmiyyətə uyğunlaşdıra bilməsələr, hakimin qərarına tabe olacaqlar.