San Fransiskoda göydən yağan sporlar bir-birindən gözəl çiçəklərin açılmasına səbəb olur. Bunlardan birini araşdırmaq üçün evə gətirən tədqiqatçı Elizabet Driskoll, bir müddət sonra sevgilisinin qəribə davranışlarından narahat olur. Soyuq və məsafəli davranmağa başlayan Ceffrinin dəyişimi qarşısında dəhşətə gələrək, Səhiyyə Nazirliyindəki iş yoldaşı Metyu Benneldən kömək istəyir. Əslində sporların kosmosdan gələn, qurbanlarını yuxuda ovlayaraq bədənlərini kopyalayan yarı bitki mənşəli işğalçılar olduğu üzə çıxır. Elizabet və Metyu, dostları Cek və Nensinin də köməyi ilə, getdikcə hər kəsin bir "kopyaya" çevrildiyi şəhərdə ümidsiz bir mübarizəyə başlayırlar.