Florida-nın mərkəzində kiçik bir qəsəbədə yaşayan 7 yaşlı Meri Adler məktəbin ilk günündə yaşından gözlənilməyən riyazi bacarıq nümayiş etdirir. O, istedadlı uşaqlar üçün nəzərdə tutulmuş xüsusi məktəbdən təqaüd qazansa da, dayısı Frenk onu ora göndərmək istəmir. Merinin anası əslində çox dəyərli bir riyaziyyatçı olub, lakin Meri hələ 6 aylıq olanda intihar edib. O vaxtdan bəri dayısı Frenk Merinin qəyyumudur. Bacısının Merinin "normal" bir uşaqlıq yaşamasını istədiyinə inandığı üçün onu dövlət məktəbinə yazdırmaqda qərarlıdır. Lakin Merinin milyonda bir rast gəlinən riyazi zəkaya sahib olduğuna inanan nənəsi Evelin (eyni zamanda Frenkin anası) Merinin qəyyumluğunu almaq üçün mübarizəyə başlayır.