Həmişə rahat bir həyat xəyal edən gözəl ofisiant Slim, bir gün Mitch ilə tanış olur. Yaraşıqlı və varlı bir adam olan Mitch, mükəmməl bir ər kimi görünür. Onlar evlənirlər və bir qız övladları dünyaya gəlir. Lakin Slim ərinin ona xəyanət etdiyini öyrənir. Bu barədə bildiyini büruzə verdikdə, ərinin davranışı birdən-birə dəyişir. Mitch-in tətbiq etdiyi sərt qaydalar və təzyiq nəticəsində azadlığını itirən Slim-in qaçmaqdan başqa çarəsi qalmır. Güclü bir adam olan Mitch, Slim-in arxasınca düşür. Onu daim izləyir və vəkilləri vasitəsilə qanuni yollardan istifadə edərək uşağını əlindən almağa çalışır. Qaçmağın və hüquqi mübarizənin bir çıxış yolu olmadığını görən Slim, dəli ərindən qurtulmağın yeganə yolunun özünü müdafiə edərkən onu məhv etmək olduğunu anlayır və yaxın döyüş kurslarına yazılır.