Kokuhaku, Kanae Minatonun romanı əsasında çəkilmiş filmdir. Yuko Moriguchi liseydə sinif rəhbəridir. Üç yaşlı qızı Manami hovuzda boğulmuş vəziyyətdə tapılır. O, qızının bədbəxt hadisə nəticəsində deyil, qətlə yetirildiyini anlayır. Qatillərin hər ikisi onun dərs dediyi sinifdədir. Adlarını çəkmədən, Şagird A və Şagird B-nin qızını necə və hansı üsulla öldürdüklərini sinif qarşısında danışır. Yaponiyada 14 yaşından kiçik şəxslər törətdikləri ölümlərə görə məsuliyyət daşımırlar. Buna görə də o, onları polisə təslim etmir, əvəzində intiqamını çox fərqli yollarla almağı planlaşdırır...