Şimali Taylanddakı Tham Luang mağarasına girən on iki şagird və onların məşqçisi qəfil sel nəticəsində mağarada köməksiz vəziyyətdə qalırlar. Çay və Cimmi adlı iki xilasedici, daha əvvəl heç istifadə etmədikləri və görmədikləri avadanlıqlarla mağaraya daxil olaraq oradakıları xilas etməyə çalışacaqlar. Onlar son dövrlərin ən dəhşətli, təhlükəli və riskli əməliyyatlarından birini həyata keçirəcəklər. Hər kəs böyük bir həyəcanla dalışın mümkün olub-olmayacağını gözləyir. Dərin dalış üçün son hazırlıqlar görülür.