1971-ci ildə Pentaqon sənədləri ətrafında baş verən real hadisələrdən bəhrələnən film, hüquqi bir prosesi əks etdirir. Washington Post-un redaktoru Ben Bradlee (Tom Hanks) və naşiri Kay Graham (Meryl Streep), hərbi analitik Daniel Ellsberg tərəfindən sızdırılan Pentaqon sənədlərini dərc etmək qərarına gəlirlər. Sənədlər, Conson administrasiyasının Vyetnam müharibəsində ABŞ əsgərlərinin rolu barədə ictimaiyyətə və konqresə yalan dediyini, Nikson administrasiyasının isə müharibəni gizli şəkildə genişləndirdiyini üzə çıxararaq böyük qalmaqala səbəb olur. Nikson hökuməti qəzetin bu məlumatları yayımlamasının qarşısını almağa çalışır və ABŞ Baş prokurorunun müavini William Rehnquist işi Ali Məhkəməyə çıxarır. Sənədlərin dərc olunması və azad mətbuatın qorunması uğrunda qəzet ilə dövlət arasında böyük bir hüquqi mübarizə başlayır.