Amy Sloan

Amy Sloan (Amy Kathleen Sloan) – 12 may 1978-ci ildə Kanadanın Manitoba əyalətinin Gladstone şəhərində anadan olmuş kanadalı-amerikalı aktrisa, Yukon əyalətinin Whitehorse şəhərində böyüyüb. Aktrisa Mary Sloan və Yukonun keçmiş səhiyyə naziri Dave Sloanun qızıdır. 1999-cu ildə Kanada Milli Teatr Məktəbini bitirib. Call Me Fitz filmində ikinci dərəcəli ən yaxşı aktrisa nominasiyasında Canadian Screen Award mükafatına namizəd olub. Ən diqqətçəkən film rolları arasında The Aviator (2004, rejissor Martin Scorsese) filmində Howard Hughes-un anası, The Day After Tomorrow (2004) filmində Elsa, The Heartbreak Kid (2007, rejissorlar Farrelly qardaşları) filmində Deborah, Head in the Clouds (2004) filmində Linda, Pterodactyl (2005) filmində Kate Heinlein, Waiting for Ophelia (2009) filmində Ophelia və The Song of Names (2019) filmində Enid Simmonds obrazları var. Televiziyada isə daha çox Big Shots (2007–2008, 11 bölüm) serialında Wendy Mixworthy, Call Me Fitz (2010, 10 bölüm) serialında Dot Foxley, 12 Monkeys (2015, 3 bölüm) serialında Elena, Truth Be Told (2019, 4 bölüm) serialında Joana Mills və Chicago Fire (2012, 2024) serialında kapitan Sydney Vonn rolları ilə tanınır. O, həmçinin Mad Men (2007), Grey's Anatomy (2005), Stargate SG-1 (1997), Gilmore Girls (2000) və Big Love (2006) seriallarında rol alıb. Səhnədə Los-Ancelesdəki Geffen Playhouse teatrında nümayiş olunan All My Sons tamaşasında Ann Deever obrazını canlandırıb.