Mərkəzi Kəşfiyyat İdarəsi (MKİ) tərəfindən Yaxın Şərq səhralarındakı bir məbədə mövcud olmayan kütləvi qırğın silahlarını axtarmaq üçün göndərilən professor Uesli (Ron Perlman) və qrupu ilə əlaqə qəribə şəkildə kəsilir. Muzdlu əsgər Mak (Cuba Gooding Jr.) öz dəstəsi ilə birlikdə professoru xilas etməklə vəzifələndirilir. Ueslinin qızı, antropologiya professoru Elissa (Valerie Cruz) da komanda ilə birlikdə yola düşür. Onlar helikopterlə səhra fırtınasının ortasında kimsəsiz bir yerə buraxılırlar və Ueslini tapıb çıxmaq üçün cəmi altı saatları var. Komanda içəri daxil olur, lakin işlər göründüyü kimi deyil. Bu lənətli sığınacaqda onları heç gözləmədikləri "şeylər" və şeytani varlıqlar gözləyir...