Mərkəzi Kəşfiyyat İdarəsinin (CIA) əməkdaşı Nathan Muir və onun şagirdi Tom Bishop bir vaxtlar ayrılmaz ikili olaraq dünyanı qarış-qarış gəzmiş, Vyetnamdan Berlinə, oradan Beyruta qədər hər cür təhlükəni birlikdə yaşamışdılar. Təhlükə və qeyri-müəyyənliklə dolu bu illər onları qarşılıqlı hörmət və səmimi bir dostluqla bağlamışdı. 1991-ci ildə, təqaüdə çıxmağa hazırlaşan Muir, Bishopun çətin vəziyyətə düşdüyünü öyrənir. Əgər hərəkətə keçməsə, öz əlləriylə yetişdirdiyi ən yaxın dostu və həmkarı başqa bir ölkədə casusluqda ittiham olunacaq və 24 saat ərzində edam ediləcəkdir. Muir üçün bu son tapşırıq, indiyə qədərki ən təhlükəli və şəxsi missiyasına çevrilir. Robert Redford və onun xələfi hesab edilən Brad Pitti bir araya gətirən "Spy Game", rejissor Tony Scottun aksiyon janrındakı ən uğurlu işlərindən biridir.