Honq-Konqlu rejissor Vonq Kar-Vay ingilis dilində çəkdiyi ilk filmində bizi könül yarası ilə yeni başlanğıclar arasındakı məsafədə dramatik bir səyahətə çıxarır. Qəlbi qırılan Elizabet (Nora Cons) yaşadıqlarından sonra həyatındakı hər şeyi, xəyallarını və emosional olaraq yaxınlaşmağa başladığı dostu Ceremini (Cud Lou) geridə qoyaraq, qırıq qəlbini sağalda biləcək bir şeylər tapmaq üçün Amerika boyu bir səyahətə çıxmağa qərar verir. Səyahəti boyu ofisiantlıq edir və Memfisdə özündən daha çox kədərli və problemli olan polis Arni (Devid Strateyn), onun həyat yoldaşı Syu Linn (Reyçel Vays) və atası ilə problemləri olan qumarbaz Lesli (Natali Portman) ilə tanış olur. Elizabet bu insanları tanıdıqca tənhalığın və yoxsunluğun əsl dərinliyinə şahid olur və əslində bu yolun axtardığı şeyin bir parçası olduğunu anlamağa başlayır.