Dedektiv Harri Kallahen içki dükanında girov götürülmüş şəxsi özünəməxsus üsullarla xilas etdikdən sonra masa arxası işə keçirilir. Lakin bu uzun çəkmir. "People's Revolutionary Strike Force" adlı terrorçu qruplaşmanın şəhəri qarışdırması Harrini yenidən iş başına çağırır. Tələbləri yerinə yetirilməyəcəyi təqdirdə San-Fransiskonun yarısını havaya uçuracaqlarını bəyan edən cinayətkarlara qarşı Harri yenə öz bildiyi üsullarla mübarizə aparacaq.