Ssenarisini Quentin Tarantino-nun yazdığı, Oliver Stone-un isə rejissorluq etdiyi bu film, ikilinin arasında mübahisəyə səbəb olmuşdu. Mickey və Mallory bir-birini sevən, lakin 'doğuştan qatil' olan iki aşiqdir. Bəlkə də onlar yaşadıqlarını yalnız öldürərək hiss edə bilirlər. Lakin 90-cı illərin getdikcə nəzarətdən çıxan mediası onları qəhrəman kimi təqdim etməkdən çəkinmir. Beləliklə, iki qatil səyahətləri boyu arxalarında onlarla cəsəd qoyaraq yollarına davam edirlər. Yaxalandıqları zaman isə media yenə də onların xilaskarı kimi qarşılarına çıxır...