Hər şeyin alınıb-satıla bildiyi bir insanlıq komediyası: mətbuat kimi ədəbi uğurlar, duyğular kimi siyasət, ruhlar kimi nüfuz... Lucien XIX əsr Fransasında tanınmamış gənc bir şairdir. Böyük ümidləri var və öz taleyini özü müəyyən etmək istəyir. Lucien sənətini dəstəkləyən himayədarının qoluna girərək, şansını sınamaq üçün ailəsini doğma yerdə qoyub Parisə yollanır. Çox keçmədən bu möhtəşəm şəhərdə tək qalan gənc adam, mənfəət və nümayişkaranəlik üzərində qurulmuş bu dünyanın pərdəarxası oyunlarını kəşf edəcək. Honoré de Balzac-ın eyniadlı romanı əsasında çəkilmiş "Sönmüş xəyallar" filmi Fransanın ən məşhur aktyorlarının yer aldığı heyəti ilə dünya premyerasını 2021-ci ildə Venesiya Film Festivalında edib.