İngilis kinosunun istedadlı rejissoru Ben Wheatley-nin yeni filmi "High-Rise", kult yazıçı J.G. Ballard-ın eyniadlı romanı əsasında ekranlaşdırılıb. Film, hekayənin cərəyan etdiyi 70-ci illərin distopik atmosferini əks etdirən bir elmi-fantastikadır. Xarici dünyadan təcrid olunmuş, sakinlərinin bütün ehtiyaclarını bayıra çıxmadan qarşılaya biləcəkləri bir sistemə malik, nəhəng göydələnlərdən ibarət bir yaşayış kompleksi kənardan necə görünür? Qəzet və televiziyalardakı lüks mənzil reklamları kimi? Təhlükəsiz? Rahat? Varlı? Dinclik dolu? Hekayə məhz belə bir dünyada başlayır. Göydələn sakinlərinin qəlblərinə səpilən kiçik nifrət toxumları, "yuxarı, orta və aşağı mərtəbədəkilər" arasında getdikcə vəhşiləşən və ağlasığmaz dərəcədə şiddətli bir müharibəyə çevrilir. Film, Ballard-ın ekranlaşdırılması çətin olan dünyasını uğurla əks etdirdiyinə görə yüksək qiymətləndirilib.