Eyniadlı televiziya serialı Entourage-dən kinoya uyarlanan bu film, aktyor Vince Chase-in həyatı vasitəsilə Hollivudun bilinməyən tərəflərini, onun maraqlı, rəngarəng və bir o qədər də təhlükəli dünyasını gözlər önünə sərir. Hollivud ulduzunun yaşaya biləcəyi bütün ekstremal təcrübələri dadmış Chase və onun dostları Turtle, Eric və Johnny-nin macəralarından bəhs edən film, Ari Gold ilə komandanın girişdiyi riskli layihəni uğurla həyata keçirmək uğrunda mübarizəsini əks etdirir.