Nyu-Yorka zərər vuran kiçik meteorit parçalarından sonra NASA Yer kürəsinə sürətlə yaxınlaşan nəhəng bir meteorit aşkar edir. Texas ştatı böyüklüyündə olan bu meteoriti zərərsizləşdirmək üçün bir plan hazırlanır. Meteoritə çatıb 250 metr dərinlikdə qazıntı apararaq mərkəzinə nüvə bombası yerləşdirilməlidir. İşin başına bu sahənin mütəxəssisi Harri Stamper gətirilir. Harri 10 gün kimi qısa bir müddətdə astronavtları hazırlaya bilməyəcəyini bildirir və tapşırıq üçün öz komandasını seçir. Plan uğurlu olarsa, meteorit iki yerə bölünəcək və Yer kürəsinin hər iki tərəfindən zərər vermədən keçib gedəcəkdir.