Gerçək bir hekayəyə əsaslanan "Adrift", tanış olduqdan qısa müddət sonra bir-birinə aşiq olan və həyatlarının macərasına doğru yelkən açan iki gəncin hekayəsindən bəhs edir. Həvəskar dənizçilər okeana çıxırlar, lakin səyahətləri onları tarixdə görülmüş ən böyük qasırğalardan birinin mərkəzinə aparır. Qasırğadan sonra özünə gələn Tami, Riçardın ağır yaralandığını və qayıqlarının yararsız hala düşdüyünü görür. Xilas olmaq üçün heç bir ümidi qalmayan Tami, həm özünü, həm də həyatı boyu sevdiyi yeganə insanı xilas etmək üçün lazım olan gücü və iradəni tapmalıdır.