Altı illik cəzasını çəkmək üçün Fransada bir həbsxanaya düşən ərəb əsilli Malik El Djabena həyata gec qədəm qoymuş bir gəncdir. Nə oxumağı, nə də yazmağı bacarır. 19 yaşının sonlarında olmasına baxmayaraq, digər məhbuslarla müqayisədə olduqca zəif görünür. Əsasən müsəlman və korsikalı azlıqlardan ibarət cinayətkarların saxlanıldığı bu həbsxanada yeni gələn Malikin üzərinə müxtəlif öhdəliklər düşəcək. Gündən-günə tapşırıqları yerinə yetirdikcə həbsxanada nüfuz qazanmağa başlayan Malik, mühitə uyğunlaşaraq pillə-pillə yüksəlir və öz planlarını qurmağa başlayır.