Suda keçən qorxu filmi dedikdə ağlımıza ya nəhəng köpəkbalıqları, ya da mutasiyaya uğramış məxluqlar gəlir. "12 Feet Deep" bu klişelərdən uzaqlaşmağı vəd edən bir filmdir. Bree və Jonna uzun müddətdən sonra bir araya gələn iki bacıdır. Onlar yaşadıqları yerə yaxın olan ictimai hovuzda xoş bir gün keçirmək qərarına gəlirlər və aralarında bir mərc edirlər. Sualtında kimin daha çox nəfəsini saxlaya biləcəyini yoxlayarkən hovuz bağlanır və bacılar sudan çıxa bilmədən hovuzun üstünü örtən örtük bağlanır. Onlar hovuzun içində köməksiz vəziyyətdə qalırlar. Bundan sonra baş verəcək hadisələr gərginliyi hər an daha da artıracaq.