Üzündəki maskanın arxasında o qorxunc simasını gizləyən bu müəmmalı adam kimdir? Qəhrəman, yoxsa sadəcə bir dəli? Liberal, yoxsa diktator? V kimdir və totalitar rejimin boyunduruğu altında əzilən xalqını bu çıxılmaz vəziyyətdən xilas etmək üçün ona kim kömək edəcək? "Matrix" trilogiyasının yaradıcılarının imzasını daşıyan və eyniadlı komiks əsasında çəkilmiş "V for Vendetta", cinayət və inqilabla dolu gələcək dünyasını gözlər önünə sərən unudulmaz bir filmdir. Natali Portman, qəhrəmanın apardığı mübarizənin cəmiyyət üçün təhlükə olub-olmadığına qərar verməli olan Evey rolunda heyranedici bir oyun nümayiş etdirir. Huqo Uivinq isə V rolunda cəsarətli, xarizmatik və başına gətirilən müsibətlərin qisasını almağa qərarlı bir azadlıq döyüşçüsü kimi yaddaşlara həkk olunur. Stiven Ri isə inqilabın alovunu söndürməzdən əvvəl V-ni yaxalamağa çalışan çarəsiz bir detektiv rolundadır. Gərginlik artır. Bəs siz hansı tərəfdəsiniz? Unutmayın, V-nin dünyasında bir tərəf seçməyə məcbursunuz.