Qızını çox sevən əqli qüsurlu bir ata, səhvən cinayətdə ittiham olunaraq həbsxanaya göndərilir. İllər sonra hüquq fakültəsinin tələbəsi olan qızı Ye-Sung atasını xilas etmək üçün mübarizəyə başlayır. 1997-ci il; Yong-Goo əqli qüsurlu olmasına baxmayaraq, qızı Ye-Seung ilə xoşbəxt bir həyat sürür. Onlar hər gün bir mağazaya baş çəkir və Yong-Goo qızına sarı rəngli Sailor Moon bel çantası alacağına söz verir. Bir gün, sonuncu sarı Sailor Moon çantasının satıldığını görürlər. Yong-Goo satışa mane olmaq üçün mağazaya girir, lakin çantanı alan atanın onu şillələməsi ilə hadisə bitir. Ertəsi gün işlədiyi dayanacaqda sarı Sailor Moon çantası olan bir qız görür. Qız çantanın satıldığı başqa bir mağazanı bildiyini deyir. Yong-Goo qızı ənənəvi açıq bazara qədər izləyir. Qısa müddət sonra qız huşunu itirərək yerə yıxılır və Yong-Goo ona süni tənəffüs verməyə çalışır. Yoldan keçən bir qadın polis çağırır. Yong-Goo uşaq oğurluğu və qətldə ittiham olunur.